Vestnorsk Kulturakademi og Høgskulen på Vestlandet startar opp Tekstilkultur 2. Denne byggjer på Tekstilkultur 1. Studiet tek for seg den immaterielle kulturarven, og ser på tekstil i ein nasjonal kulturvernsamanheng og i ein verdsarvsamanheng. Ved å undervise i tekstilkultur kan du som lærar såleis bidra til å bevare og fremme tradisjonelle handverksteknikkar og kunnskap.
Kva lærer du?
I studiet får du mellom anna kunnskap og praktisk erfaring med ulike tradisjonelle handverksteknikkar, samt med å plassere teknikkane i ein kulturhistorisk og samtidsmessig kontekst.
Målgruppe
Denne vidareutdanninga passar for deg som er student, lærar, tilsett i museum, kunstnar eller handverkar.